«Алматы электр стансалары» АҚ Алматы 2 ЖЭО №8 қазандық агрегатын іске қосу салтанатты шарасына аталған акционерлік қоғамының басқарма төрағасы Нұрлан Мұхамед-Рахимов пен «Самұрық - Энерго» АҚ директоры Қаныш Молдабаев қатысты.
«Жаңа қазандық қаланың артып келе жатқан жылу, тоқ қажеттілігін және «Универсиада - 2017» спорттық шарасын өткізуге арналған жаңа нысандарды «Қолжетімді тұрғын үй-2020» бағдарламасы бойынша индустриалды аймақ пен құрылыс нысандарын қамтамасыз етеді», - деді Нұрлан Мұхамед-Рахимов.
Жоба құны 25,7 млрд.теңге. №8 қазандық агрегатын іске қосу 2 ЖЭО жылу қуатын 20 пайызға, 1 176 Гкал/сағаттан 1 414-ке дейін арттырады.
Сонымен қатар, жылына қосымша 450 млн к Ват сағат электр энергиясын өндіреді.