Алматыдағы халықаралық кәсіпқой бокс турнирінде барлық жекпе-жекте қазақстандықтардың мерейі үстем болды

деп хабарлайды ҚазАқпарат.Ол өздерінің кәсіпқой бокстағы алғашқы кездесуін өткізгелі отырған 69 килә салмақтағы алматылық Ғалымжан Мырзабаев пен бішкектік Нұрдин Солубековтің жекпе-жегімен басталды. 4 раундық бұл сайыста Ғалымжан қарсыласын 2-ші раундта техникалық нокаутпен жеңді. Одан кейінгі кездесу 55,3 килә салмақта тағы бір алматылық Тұрсынбек Сыдықов пен ресейлік Равиль Мұхамедияров арасында өтті. Бұған дейін 1 ғана кездесу өткізген (нокаутпен аяқтады) Тұрсынбек тәжірибелі қарсыласын(33 кездесу өткізіп, оның жетеуінде жеңіп, 26-сында жеңіліс тапқан) 4 раундтық бұл сында ұпай санымен ұтты. Осы салмақ дәрежесіндегі шымкенттік Ерсін Жайлауов пен таиландтық Наронной Ор Муанланг арасындағы 6 раундтық кездесуде де ұпай саны бойынша қазақстандық боксшы басым түсті. Төртінші жұпта 53,5 киләда бақ сынаған қызылжарлық Жанат Жақиянов пен ресейлік Александр Федеровтың 8 раундық кездесуі мерзімінен бұрын аяқталды. Бұған дейін қарсыластарына 19 кездесуде үстемдік танытып, 5 кездесуде жеңіліп, 1 рет тең түскен Александр бұл жолы қоржынында 5 жеңісі мен 1 жеңілісі бар Жанатқа ұпай беруге мәжбүр болды. 57,2 киләдағы бесінші жұптың жекпе-жегінде бұған дейін 8 кездесуде жеңіп, 4 кездесуде жеңіліп, 1 рет тең түскен Ёдмонкол Синменасак алдыңғы 3 кездесуін де жеңіспен аяқтаған Міржан Жақсылықовтың қарқынына төтеп бере алмады. Оның жеңісті жолын 61 килә салмақта аягөздік Берік Қалиев жалғастырды. 6 раундық бұл жекпе-жекте ресейлік Александр Салтыковтың бапкері 3 раундта шаршы алаңға орамал тастауға мәжбүр болды. 66,6 киләдағы 6 раундтық кездесуде Әсет Айсин қарсыласы эстониялық Леонтий Ворончукты 1-ші раундта-ақ нокаутпен ұтты. Осы салмақтағы 8 раундық Владислав Савченко мен тайландтық Сомчай Накбалидің кездесуінде тай спортшысының бапкері 5-ші раундта амалсыздан шаршы алаңға орамал тастады.