«Алматы жылу желілері» ЖШС баспасөз қызметінің мәліметінше, құбырдағы жоспарлы жұмыстарға байланысты Райымбек даңғылының бір бөлігінде бір айға көлік қозғалысына шектеу қойылады.
«28 шілдеде сағат 22:00-ден 27 тамызға дейін Райымбек даңғылы бойымен – Байзақов көшесінен Батыс бағыттағы Казаков көшесіне дейін автокөліктер үшін қозғалыс жабылады», - делінген хабарламада.
Компания келтірілген қолайсыздық үшін алматылықтардан кешірім сұрайды.
Сонымен қатар, жүргізушілерге жол жүру бағытын алдын ала жоспарлауға кеңес беріледі.