АЛМАТЫ. ҚазАқпарат - Желіде Алматыдағы Тұңғыш Президент саябағында түсірілген бейнеролик тарады. Онда қазан айының жылы күнінде ағаштардың бір бөлігіне мұз қатқаны көрсетілген. Желі қолданушылары мұны ерекше тылсым жағдай деп есептеді, деп хабарлайды ҚазАқпарат тілшісі Stopfake.kz-ке сілтеме жасап.
Табиғаттың ерекше құбылысы жайында Алматы әкімдігінің баспасөз қызметі түсінік берді.
«Саябақтың қызмет көрсету ұйымының мәліметі бойынша, түнде суару жүйесі бұзылып, ағаштарға су шашыраған. Таңертең ауа райына байланысты ағаштарға мұз қатқан. Қазіргі кезде суару жүйесі қалпына келтірілді», – деп мәлімдеді әкімдіктен.
Демек, видеода ерекше тылсым жағдай көрсетілмеген. Мұның себебі – суару жүйесінің бұзылуына байланысты ағаштарға шашыраған су.
Фото: images.unian.net
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.