НҰР-СҰЛТАН. ҚазАқпарат – Алматыдағы «Алматы Аренада» аралас жекпе-жектен Gorilla Fighting Championship (GFC) 23 турнирі мәреге жетті, деп хабарлайды ҚазАқпарат тілшісі.
Басты жекпе-жекте қазақстандық Дәурен Ермеков пен ресейлік Артур Гусейнов орта салмақта лиганың уақытша чемпиондық белбеуін сарапқа салды.
Қазақстандық жекпе-жек шебері үш раунд бойы басымдылығын көрсете білді. Қарсыласын тикдаунға да түсіріп, көбірек соққы жұмсай білді.
Төрешілер 30:28, 30:27, 30:27 есебімен бірауыздан жеңісті Д.Ермековке берді.
Осылайша Дәурен өз дивизионында GFC-ның уақытша титулына ие болды. Бұл – оның кәсіби спорттық жолындағы 14-інші жеңісі.
Турнирге құрметті қонақ есебінде UFC жұлдызы, ресейлік Хабиб Нурмагомедов қатысты. Ол – осы Gorilla Fighting Championship промоушны құрылтайшыларының бірі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).