АСТАНА. ҚазАқпарат - Футболдан Қазақстан суперкубогының иегері анықталды, деп хабарлайды ҚазАқпарат тілшісі.
Биыл суперкубокта алматылық «Қайрат» пен рудныйлық «Аят» командалары арасында өтті.
Кездесу барысында командалар тартысты ойын өткізді. Қос команда тарапынан жиі шабуылдар көрініс берді. Нәтижесінде алматылық клуб сапынан Денер үш голдың авторы атанса, тағы бір гол Педроның еншісіне жазылды.
Оған «Аят» сапынан Козырчиков және Леандриньо екі голмен жауап қайырды.
Осылайша «Қайрат» қарсыласынан 2:0 есебімен басым түсіп, суперкубок иегері атанды.
Қазақстан Суперкубогы биыл он бірінші рет өткізіліп отыр. Қазірге дейін алматылық «Қайрат» 7, ақтөбелік «Ақтөберентген» - 2 , қарағандылық «Тұлпар» - 1 мәрте жеңімпаз атанды.
Еске салсақ, бұдан бұрын Португалияда өткен Record International Masters Cup халықаралық турнирінде жеңімпаз атанды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.