«Мұндай шаралар балалар мен жастар үшін өте маңызды. 2010 жылы Әлем кубогы Алматыға алғаш рет әкелінгеннен кейін мыңдаған бала футбол мектептеріне бара бастаған еді», - дейді қонақтарды қарсы алған ҚФФ президенті Сейілда Байшақов.
6 кг алтыннан құйылған трофейдің оңтүстік астанаға әкелінуі үлкен мерекеге айналды. Алматылықтар мен қала қонақтары 19:00-ге дейін Mega Alma-Ata-да Әлем кубогымен суретке түсуіне болады.
ФИФА-ның арнаулы өкілі ретінде келген Әлем кубогы елшісі, 1998 жылғы әлем чемпионы, франциялық футболшы Кристиан Карамбё Қазақстанға келгеніне қуанышты екенін айтты.
Шри-Ланкадан саяхатқа шыққан Әлем кубогы бұған дейін жаһанның 9 қаласында болды. Бұған дейін Пәкістанда болған Кубок ертең Бішкекке аттанады.
Еске сала кетейік, Кубокты алып жүрген ФИФА делегациясы Алматыға қолайсыз ауа райына байланысты кешеуілдеп жетті.
https://kaz.inform.kz/news/almatyga-futboldan-alem-chempionatynyn-altyn-kubogy-akelindi_a3143018