АЛМАТЫ. ҚазАқпарат –Алматы қалалық тауарлар мен қызметтердің сапасын бақылау департаментінің басшысы Айзат Молдағасимова арнайы баспасөз мәслихатында алматылықтарды жаппай бетперде сатып алып, дүрбелең тудырмауға шақырды, деп хабарлайды ҚазАқпарат тілшісі.
Оның айтуынша, медициналық ұйымдарда 1,1 миллион бетперде бар. Дәріханаларда да олардың саны жеткілікті.
«Қорғаныс деңгейі жоғары М-95 бетпердесі дәрігерлер мен медбикелерге арналған. Оны жекелеген тұрғындардың жаппай сатып алуына негіз жоқ. Кәдімгі бетперде де жеткілікті деңгейде қорғайды. Қалада бетперделер жеткілікті. Бетпердені жаппай сатып алудың қажеті жоқ»,– деді Айзат Молдағасимова.
Ол бір адамаға 15-20 дана бетпердеден артық сатпауды ұсынды.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.