деп хабарлайды ҚазАқпарат.
"Өз бетімен салынған құрылыс барлық жерде бұзылып жатыр. Мәселен, Алатау ауданында биылдың өзінде жер телімін заңсыз басып алып өз бетімен салынған 500-ден астам құрылыс бұзылды. Бұл заңдылықты сақтау үшін жасалып отыр. Біз табиғат апатынан зардап шеккендерге көмектестік. Өзгелерге мұндай жеңілдік жасалмайды", дейді Алматы қаласының әкімі Ахметжан Есімов. Оның айтуынша, қазіргі таңда Алатау ауданы әкімдігінде жер телімі мен ондағы құрылыстарды рәсімдеу жұмыстары жүргізіліп жатыр. Алдағы уақытта енді Түрксіб ауданындағы Бақай ауылындағы тұрғындардың мәселесі де өз шешімін тапқалы отыр.