АЛМАТЫ. ҚазАқпарат – Алматының Наурызбай ауданына қарасты бірқатар тұрғын үйлер мен өзге де ғимараттар ыстық судан ажыратылады. Бұл туралы «Алматы су» мемлекеттік коммуналдық кәсіпорны мәлім етті, деп хабарлайды ҚазАқпарат тілшісі.
«12-29 маусым аралығында Наурызбай ауданының аумағында Жуалы – Райымбек - Алтын Орда – Медеубеков көшелерінің бойында орналасқан тұрғын үйлер мен өзге де ғимараттарда ыстық су болмайды. Уақытша қолайсыздықтар үшін кешірім сұраймыз»,- деп атап өтті «Алматы су» МКК.
Кәсіпорын мәліметінше, уақытша шектеулер «Премьер» қазандығында жоспарлы жөндеу жұмыстарын жүргізу үшін енгізіледі.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.