АЛМАТЫ. ҚазАқпарат - Алматының орталығында қару-жарақ сақталған орыннан 4 атыс қаруы табылды, деп хабарлайды ҚазАқпарат тілшісі.
Шұғыл желі арқылы түскен ақпаратты Алматы қаласы бойынша ҰҚК департаменті және Бостандық аудандық полиция басқармасының қызметкерлері тексерді.
Жасырылған орыннан 4 атыс қаруы табылды.
Атап айтқанда, «Beretta Xtreme», «Tikka T3x», «Gamo FS 10x igt», «Sako TRG».
Тәркіленген қарудың нақты тиесілігі сот-баллистикалық сараптама арқылы анықталатын болады.
Сондай-ақ, сараптамалық зерттеу нәтижесінде қарулардың қандай да бір қылмыс жасауда қолданылған-қолданылмағаны тексеріледі.
Думан Арғынгелді
2008 жылы Әл-Фараби атындағы Қазақ ұлттық университетінің журналистика факультетін тәмамдаған. «Қазақстан» ұлттық арнасының Алматы қалалық филиалында, «Аягөз жаңалықтары», «Алматы ақшамы» газеттерінде қызмет атқарды. Мақалалары республикалық, облыстық, аудандық газет беттерінде жарияланды. 2021 жылдан бері «KAZINFORM» ХАА-де жұмыс істейді.