АСТАНА. KAZINFORM - Қазақстандық боксшы Алуа Балқыбекова (50 келі) әйелдер арасындағы әлем чемпионаты жартылай финалына шықты.
Сербияның Ниш қаласында өтіп жатқан дүбірлі додада ол Айсен Ташкинмен қолғап түйістірді.
Енді ол Солтүстік Корея спортышысы Кум Анмен шеберлік байқасады.
Алуа Балқыбекова — ел құрамасындағы тәжірибелі боксшының бірі. Әлем чемпионатында 2022 жылы күміс алса, 2023 жылы қола жүлдегер атанды.
Сондай-ақ ол 2021, 2022 жылдарда Азия чемпионы атанған.
Енді ел құрамасынан Назым Қызайбай (48 келі), Жайна Шекербекова (54 келі), Карина Ибрагимова (57 келі), Виктория Графеева (60 келі), Аида Әбікеева (63 келі), Жасмин Қизатова (66 келі), Наталья Богданова (70 келі), Надежда Рябец (75 келі), Елдана Тәліпова (81 келіден жоғары) сынға түседі.
Дүбірлі додаға 12 спортшы алып барған Қазақстан құрамасының 10 спортшысы жарыстың аталған сатысына дейін жетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.