10:46, 12 Тамыз 2024

Америкалық баскетболшы қыздар 8-ші рет Олимпиада жеңімпазы болған

АСТАНА. KAZINFORM – АҚШ-тың әйелдер баскетбол командасы Олимпиада ойындарының финалдық кездесуінде Францияны 67:66 есебімен ұтқан болатын. Осылайша, америкалық қыздар жазғы Олимпиада ойындары тарихында қатарынан сегізінші рет топ жарды.

Фото: © Gregory Shamus / Staff / Getty Images Sport / Gettyimages.ru

Жалпы, АҚШ құрамасы Олимпиадада 10 рет алтын алған. Екі рет КСРО құрамасы жеңімпаз атанған.

Биылғы Олимпиадада АҚШ сапында 42 жастағы Дайана Таурази ел намысын қорғағанын атап өткен жөн. Сөйтіп, ол 6 дүркін Олимпиада чемпионы атанып отыр. Дайана бұған дейін 2004, 2008, 2012, 2016 және 2020 жылдардағы Олимпиада ойындарында жеңіске жеткен болатын. Баскетболшы үш дүркін әлем чемпионы екенін де еске салған жөн.

Бұған дейін Париж Олимпиадасында танымал баскетболшы, АҚШ құрамасының үздігі Леброн Джеймс жаңа трипл-дабл королі атанғанын жазған едік.

Баскетбол Олимпиада 2024 Спорт
Оралхан Қожанов
2013 жылы Алматы қаласындағы Абай атындағы ҚазҰПУ-ді журналистика мамандығы бойынша тәмамдаған. Әр жылдары «Баянтау», «Ауыл тынысы», «Отарқа», «Сарыарқа самалы», «Қазақ үні», «Егемен Қазақстан» газеттерінде, «Ұлыс медиа» порталында қызмет атқарды.