Америкалық жартылай ауыр салмақтағы боксшы Альваресті Головкинмен айқасқа шақырды
20:18, 20 Сәуір 2017
АСТАНА. ҚазАқпарат - Америкалық боксшы кіші Томас Уильямс (20-3, 14 КО) мексикалық Сауль Альварес «Канело» (48-1-1, 34 КО) мен қазақстандық Геннадий Головкиннің (37-0, 33 КО) жекпе-жегінің биыл өтетіндігіне үмітті, деп хабарлайды Sports.kz.
«Мен әрдайым „Канелоның" жанкүйері болғанмын. Бірақ ол GGG-мен биыл айқасуы тиіс», - деп жазды Уильямс твиттерде.
Қазіргі таңда боксшылар командасы кездесуді қыркүйекте өткізу туралы келіссөздер жүргізуде, алайда «Канело» бірінші өзінің отандасы кіші Хулио Сесар Чавесті (50-2-1, 32 КО) жеңуі қажет. Олардың айқасы 6 мамыр күні Лас-Вегаста өтеді.