АСТАНА. KAZINFORM – Мексиканың Мерида қаласында жасөспірімдер арасында бірінші санаттағы ITF J500 турнирі мәресіне жетті.
Қазақстандық теннисші Әмір Омарханов ресейлік Тимофей Дерипаскомен бірге жұптық сында жеңімпаз атанды.
Қазақстандық-ресейлік дуэт финалда жарыстың 1-ракеткалары, чехиялық Петр Брунлик – ұлыбританиялық Чарли Робертсонды тізе бүктірді – 6:4, 6:1.
Әмір Омарханов жекелей сында жартылай финалға дейін жетті. Онда франциялық Томас Фурелге есе жіберді – 2:6, 3:6.
Еске сала кетейік, бұдан бұрын Әмір Омархановтың Мексикадағы турнирдің жартылай финалына шыққанын жазған болатынбыз.
Сондай-ақ теннистен әлемнің экс 1-ракеткасы допинг дауына іліккенін хабарладық.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).