АСТАНА. KAZINFORM — Қазақстандық теннисші, 18 жастағы Әмір Омарханов Монастир (Тунис) ITF M15 турнирінің финалына шықты.
Әлемдік рейтингіде 1115-орында тұрған қазақстандық теннисші жартылай финалда әлемнің 776-ыншы, осы жарыстың 6-ракеткасы, 18 жастағы германиялық Мика Петковичпен кездесті.
Бірінші сетте Әмір айқын басымдылық көрсетті — 6:2.
Екінші сетте де сол қарқынынан жаңылған жоқ — 6:2.
Әмір Омарханов финалда әлемнің 824-ракеткасы, тағы бір германиялық, 18 жастағы Макс Шенхауспен чемпиондық атақты сарапқа салады. Ол жартылай финалда рейтингіде 1110-сатыдағы Ченг Донгты ойсырата ұтты — 6:2, 6:0.
Еске сала кетейік, бұдан бұрын Әмір Омархановтың Тунистегі турнирдің жартылай финалына өткенін жазған болатынбыз.
Сондай-ақ қазақстандық жас теннисші Дубайдағы жарыстың финалына дейін жетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).