Әмір Омарханов Тунистегі турнирдің 1/8 финалына жолдама алды

АСТАНА. KAZINFORM – Қазақстандық теннисші Әмір Омарханов Монастирде (Тунис) өтіп жатқан ITF турнирінің 1/16 финалында жеңіске жетті. 

Бұл кезеңде 17 жастағы қазақстандық спортшы алжирлік Хамзат Регигаға қарсы ойнады. 

Матч үш сетке созылды. Омарханов жалпы 4:6, 7:6, 7:5 есебімен жеңіске жетті.

1/8 финалда Әмір италиялық Лука Кастаньоламен шеберлік байқасады. 

Еске сала кетейік, бұған дейін қазақстандық теннисші әлемдік рейтингіде жоғарылап, рекорд орнатқанын жазған едік.