деп хабарлайды ҚазАқпарат.
Ғалым Доскен жетекшiлiк ететiн «Ел» продюсерлiк орталығының бұл жобасы бас қаланың тойына орайластырылып отыр. Былтыр Астананың 10 жылдығында өткен «Ән мен әншi» концертінде 30-ға жуық әншi Астана туралы әндерiн әуелеткен болатын.
«Ән мен әншiнiң» жүргiзушiсi, продюсер Сержан Молдасанұлының айтуынша, биылғы концертте елорда күнiнде 20-дан астам әншi сахнаға шығады. Бұрын танылмаған жас әншілер де осы тойдың құрметіне ән салмақшы.
Ән-шеруге Ескендiр Хасанғалиев, Нұрғали Нүсiпжанов, Саят Медеуов, Ақбота Керiмбекова, Асқар Жүнiсбеков сияқты әншiлер қатысады. Сондай-ақ, «Нұр-Мұқасан», «Жiгiттер» және «Қоңыр» тобы өнер көрсетедi. Биыл орындалатын әндердiң басым бөлiгi - жаңа әндер. Сонымен бiрге, халықтың жүрегiне жақын тартып, ықыласына бөленген ретро әндер де орындалмақ.
«Ән мен әнші Астанада» концертінде қазақы әзіл мен жарасымды юмор ұмыт қалмайды.