Қазақстандық теннисші Андрей Голубев жұптық сында Братислава (Словакия) челленджер турнирінің финалына шықты, деп хабарлайды Kazinform.
Қазақстандық теннисші Андрей Голубев жұптық сында Братислава (Словакия) челленджер турнирінің финалына шықты, деп хабарлайды Kazinform.
Украиналық Денис Молчановпен жұптасқан А.Голубев жарыстың үшінші ракеткасы болып тіркелген еді.
Қазақстандық-украиналық дуэт жартылай финалда доданың 2-ракеткалары, уругвайлық Ариэль Бехар – чехиялық Адам Павлашекпен сынға түсті.
А.Голубев – Д.Молчанов бір сағатқа жуық уақытқа созылған матчта 6:3, 6:3 есебімен басым түсті. Олар 2 эйс жасап, 5 брейк-пойнттың үшеуін мүлт жібермеді.
Андрей Голубев – Денис Молчанов соңғы бәсекеде үндістандық Шрирамбалай Нараянасвами – германиялық Андре Бегеманмен чемпиондық атақты сарапқа салады.
Еске сала кетейік, Анна Данилинаның Гонконг жарысының жартылай финалына шыққанын жазған болатынбыз.
Теннисші Бейбіт Жұқаев келесі Азиадаға мықты болып оралуға уәде берді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).