АСТАНА. ҚазАқпарат – Қазақстандық Андрей Голубев жұптық сында Италияның Перуджа қаласында өтіп жатқан челленджер турнирінің жартылай финалына өтті, деп хабарлайды ҚазАқпарат тілшісі.
Жарыстың бірінші ракеткалары болып тіркелген А.Голубев пен украиналық Денис Молчанов екі кездесуін сәтті өткізді.
Қазақстандық-украиналық дуэт алдымен аргентиналық Ренцо Оливо – нидерландылық Марк Вервортты 6:3, 6:2 есебімен тізе бүктірді.
А.Недовесов пен Д.Молчанов ширек финалда италиялықтар Маттео Гиганте – Франческо Маэстреллиді 6:2, 6:3 есебімен ұтты.
Олар бір сағатқа созылған матчта 10 брейк-пойнттың төртеуін мүлт жіберген жоқ.
Қазақстандық-украиналық жұп финалға шығу үшін доданың үшінші ракеткалары, боливиялықтар Борис Ариас – Федерико Себальоспен таласады.
Еске сала кетейік, бұдан бұрын Бейбіт Жұқаевтың Пуэрто-Рикодағы турнирдің ширек финалына шыққанын жазған болатынбыз.
Сондай-ақ Александр Недовесов те Нидерландтағы жарыстың жартылай финалына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).