Қазақстандық теннисші Андрей Голубев жұптық сында Братислава (Словакия) челленджер турнирінің финалында жеңіліп қалды, деп хабарлайды Kazinform .
Жарыстың 3-ракеткасы болып тіркелген А.Голубев украиналық Денис Молчановпен бірге финалда үндістандық Шрирамбалай Нараянасвами – германиялық Андре Бегеманмен бас жүлдені сарапқа салды.
Бірінші партияда үндістандық-германиялық жұп 6:3 есебімен басымдылық танытты. Олар екінші сетте де алға кеткенімен, А.Голубев пен Д.Молчанов есе қайтара алды – 7:5.
Супер тай-брейкте үндістандық-германиялық дуэт жеңісті жұлып алды – 10:8.
Сағат жарымнан астам уақытқа созылған бәсеке барысында А.Голубев – Д.Молчанов 6 брейк-пойнттың екеуін пайдаланды. Қарсыластары 1 эйс, 2 брейкпен (6 брейк-пойнт) көзге түсті.
Осылайша, Андрей Голубев Словакиядағы доданың финалына дейін жетті.
Еске сала кетейік, Андрей Голубевтің Братислава турнирінің финалына өткенін жазған болатынбыз.
Анна Данилина Гонконг турнирінің финалына шыға алмады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).