НҰР-СҰЛТАН. ҚазАқпарат - Қазақстандық Андрей Голубев жұптық сында Уимблдон турнирінің үшінші айналымына шықты, деп хабарлайды ҚазАқпарат тілшісі.
Қазақстандық спортшы нидерландылық Робин Хасемен бірге екінші айналымда осы «Үлкен дулыға» жарысының 7-ракеткалары, ұлыбританиялық Джейми Маррей - бразилиялық Бруно Соареспен кездесті.
Қазақстандық-нидерландылық жұп 6:7 (3:7), 6:3, 6:2 есебімен жеңіске жетті.
Тартысты өткен бәсеке екі сағатқа жуық уақытқа созылды.
А.Голубев пен Р.Хасе ширек финалға шығу үшін италиялық Симоне Болелли - аргентиналық Максимо Гонсалеспен таласады.
Еске сала кетейік, бұдан бұрын Юлия Путинцеваның Уимблдон турнирінде жұптық сынды жеңіспен бастағанын жазған болатынбыз.
Ал Александр Бублик бүгін төртінші айналымға шыға алмады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).