АСТАНА. ҚазАқпарат - Белгілі футболшы және менеджер Андрей Канчельскис қостанайлық «Тобыл» клубының директоры болып тағайындалды, деп хабарлайды ҚазАқпарат тілшісі.
Андрей Канчельскис Англияның «Манчестер Юнайтед», «Манчестер Сити», «Эвертон» клубтарында ойын көрсетті. Сондай-ақ Украинаның «Динамо Киев», Италияның «Фиорентина», Шотландияның «Рейнджерс», Ресейдің «Сатурн», «Крылья Советов» сияқты футбол клубтарының намысын қорғады.
Ол «Манчестер Юнайтед» сапында 158 матч өткізіп, 36 гол соқты. «Эвертонда» бір маусымда 16 гол соғып, команданың сұрмергені атанды.
2007 жылдан бері бапкерлік қызметпен айналысып, Ресей, Латвия және Өзбекстанның клубтарында еңбек етті.
Бұрынғы басшы Николай Панинмен «Тобыл» чемпионат медальдарының үш жиынтығын да иеленген еді, сондай-ақ екі мәрте Суперкубок алды.
Еске салсақ, бұдан бұрын Қазақстан құрамасының ойыншысы «Тобылдан» «Астанаға» ауысқанын жазған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.