Жексенбі күні «Уэстерн пауэр» энергетикалық компаниясы хабарлағандай, электр қуаты Кардифф пен Суонси қалаларындағы бірнеше мың үйде жоқ. Глостершир ағылшын графтығында жолдардың бойына 20-ға жуық ағаш құлады.
Өткен түні елдің көптеген елді мекендерінде шамамен 40 мм жауын-шашын жауған. Осыған байланысты метеоролог мамандар 150 аумақта тасқындардың қаупі туралы ескерту жасады. Северн өзені мен оның ағыстары өтетін Шропшир, Херефордшир және Глостершир графтықтарында жағдай аса қауіпті деп танылды. Оларда судың деңгейі қауіпті белгілерге дейін көтерілді.