АСТАНА. KAZINFORM — Қазақстанның жұптық сындағы бірінші, әлемнің 44-ракеткасы Анна Данилина Чарльстон (АҚШ) челленджер турнирінің жартылай финалына өтті.
Жарыстың 3-ракеткалары болып тіркелген А.Данилина – қытайлық Чжан Шуай ширек финалда америкалықтар Далайна Хьюит – Мария Матеастың мысын басты.
Қазақстандық-қытайлық жұп тартысты матчта 6:1, 3:6, 10:7 есебімен басымдылық танытты.
Бір сағат 15 минутқа созылған бәсеке барысында олар 1 эйспен бірге 10 брейк-пойнттың үшеуін пайдаланды. Америкалықтар 4 эйс, 2 брейкпен (6 брейк-пойнт) шектелді.
Анна Данилина – Чжан Шуай финалға шығу үшін аустралиялық Оливия Гадеки – ұлыбританиялық Оливия Николлспен шеберлік таластырады.
Еске сала кетейік, бұдан бұрын Анна Данилинаның Чарльстон жарысының ширек финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).