НҰР-СҰЛТАН. ҚазАқпарат – Қазақстанның жұптық сындағы бірінші, әлемнің 20-ракеткасы Анна Данилина Кливленд (АҚШ) WTA 250 турнирінің финалына шықты, деп хабарлайды ҚазАқпарат тілшісі.
А.Данилина сербиялық Александра Круничпен бірге жартылай финалда жарыстың 1-ракеткалары, чехиялықтар Барбора Крейчикова – Катерина Синяковамен кездесуі керек болатын.
Алайда «Үлкен дулыға» турнирінің үш дүркін чемпиондары Б.Крейчикова мен К.Синякова доданы жалғастырудан бас тартты.
Осылайша, Кливлендте 4-ракетка болып тіркелген А.Данилина мен А.Крунич ойнамастан финалға жолдама алды.
Қазақстандық-сербиялық жұп соңғы бәсекеде жапониялық Сюко Аояма – тайбэйлік Хао Чин Чань немесе америкалық Николь Мартинес – аустралиялық Эллен Перес жұптарының қай жеңгенімен бас жүлдені сарапқа салады.
Еске сала кетейік, бұдан бұрын қазақстандық теннисшінің АҚШ-тағы турнирдің жартылай финалына шыққанын жазған болатынбыз.
Сондай-ақ қазақстандық теннисшілердің АҚШ ашық чемпионатындағы қарсыластары анықталды.
Юрий Польский Новак Джокович Astana Open турниріне келсе, қуанатынын айтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).