АСТАНА. ҚазАқпарат – Қазақстанның жұптық сындағы бірінші, әлемнің 21-ракеткасы Анна Данилина Острава (Чехия) WTA 500 турнирінің ширек финалына шықты, деп хабарлайды ҚазАқпарат тілшісі.
Жарыстың екінші ракеткасы болып тіркелген А.Данилина бразилиялық Беатрис Хаддад Майямен бірге бастапқы кездесуін чехиялық Рената Ворачова – қытайлық Сю Ванмен өткізді.
Қазақстандық-бразилиялық жұп 6:2, 6:4 есебімен жеңіске жетті.
Бір сағаттан сәл астам уақытқа созылған матчта Анна мен Беатрис 3 эйс жасап, 12 брейк-пойнттың бесеуін өз есептеріне жазды. Қарсылас жұп 2 брейкпен ғана көзге түсті.
Қазақстандық-бразилиялық дуэт жартылай финалға шығу үшін чехиялықтар Никола Бартункова – Барбора Палицовамен таласады.
Еске сала кетейік, бұдан бұрын Елена Рыбакинаның Чехияда әлемнің 17-ракеткасын жеңгенін жазған болатынбыз.
Сондай-ақ Astana Open ATP 500 турнирінде әлемнің бірінші ракеткасы жеңіліп қалды.
Карен Хачанов Астанаға теннис жұлдыздары жиналғанын айтты.
Теннисші Тимофей Скатов Италиядағы турнирді жеңіспен бастады.
Astana Open ATP 500 турнирінде Александр Бублик 15 эйс жасап, екінші айналымға шықты.
Фото: sports.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).