Қазақстанның жұптық сындағы бірінші ракеткасы Анна Данилина Анжер (Франция) челленджер турнирінің жартылай финалына шықты, деп хабарлайды Kazinform.
Жарыстың 2-ракеткасы болып тіркелген А.Данилина ресейлік Александра Пановамен бірге ширек финалда америкалықтар Маккартни Кесслер - Алана Смитпен шеберлік байқасты.
Қазақстандық-ресейлік жұп 1 сағат 19 минутқа созылған матчта 6:3, 2:6, 10:6 есебімен жеңіске жетті. Олар 2 эйспен бірге 3 брейк-пойнттың біреуін пайдалана білді. Қарсыластары 2 эйс, 2 брейкпен (4 брейк-пойнт) көзге түсті.
А.Данилина мен А.Панова финалға шығу үшін нидерландтық Бибиана Схоофс - бельгиялық Кимпберли Циммерманмен таласады.
Еске сала кетейік, бұдан бұрын қазақстандық теннисші Григорий Ломакиннің Мысырдағы турнирдің финалына шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).