АСТАНА. ҚазАқпарат – Қазақстанның жұптық сындағы бірінші, әлемнің 25-ракеткасы Анна Данилина Гамбург (Германия) WTA 250 турнирінің ширек финалына шықты, деп хабарлайды ҚазАқпарат тілшісі.
Жарыстың 1-ракеткалары А. Данилина мен ресейлік Александра Панова бастапқы матчын италиялық Нурия Бранкаччи – грекиялық Деспина Папамихаилмен өткізді.
Қазақстандық-ресейлік жұп бір сағатқа жетпейтін бәсекеде 6:0, 6:2 есебімен айқын басымдылық көрсетті. Олар 6 брейк-пойнттың бесеуін құр жіберген жоқ.
А. Данилина мен А. Панова жартылай финалға шығу үшін аустриялықтар Мелани Клаффнер – Синья Крауспен таласады. Бұл дуэт чехиялық Михаэла Байерлова – словениялық Ника Радишичті жеңді – 6:4, 6:1.
Еске сала кетейік, бұдан бұрын Александр Недовесовтің теннистен әлемнің 45-ракеткасы атанғанын жазған болатынбыз.
Сондай-ақ, Михаил Кукушкин Президент кубогі турнирінің екінші айналымына шықты.
Юлия Путинцева Гамбург жарысын жеңіспен бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).