АСТАНА. KAZINFORM — Қазақстанның жұптық сындағы бірінші, әлемнің 44-ракеткасы Анна Данилина Индиан-Уэллс WTA 1000 турнирінде жарыс жолынан шығып қалды.
Қазақстандық теннисші қытайлық Чжан Шуаймен бірге бастапқы матчын жапониялық Мию Като – индонезиялық Алдила Сутджиадимен өткізді.
Бірінші партияда жапониялық-индонезиялық дуэт 7:5 есебімен басым түссе, екіншісінде А.Данилина Ч.Шуай есе қайырды – 6:2.
Супер тай-брейкте Като – Сутджиади бет қаратпады – 10:1.
Индиан-Уэллсте жекелей сында Юлия Путинцева үшінші айналымда америкалық Мэдисон Кизбен шеберлік байқасады.
Сондай-ақ ерлер арасында Александр Бублик жекелей және жұптық сында өнер көрсетеді.
Еске сала кетейік, бұдан бұрын Дмитрий Попконың жұптық сында Бразилиядағы жарыстың жеңімпазы атанғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).