АСТАНА. KAZINFORM — Токио қаласында Билли Джин Кинг кубогі Қазақстан мен Жапония арасындағы іріктеу матчының жеребесі тартылды.
Аталмыш дода 12-13 сәуір күндері өтеді.
Алғашқы болып кортқа 12 сәуір күні Қазақстан уақыты бойынша сағат 10.00-де Анна Данилина мен әлемнің 79-ракеткасы Нао Хибино шығады.
Содан кейін Юлия Путинцева мен «Үлкен дулыға» турнирінің төрт дүркін жеңімпазы Наоми Осакаға кезек келеді.
Сенбі күні Юлия Путинцева – Нао Хибино, Анна Данилина – Наоми Осака және жұптық сында А.Данилина – Жібек Құламбаева мен Сюко Аояма – Эна Сибахара ойындары жоспарланған.
Командалар капитандары ойыншыларды алмастыра алады.
Еске сала кетейік, бұдан бұрын Бейбіт Жұқаевтың жұптық сында Мексикадағы турнирдің ширек финалына өткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).