Анна Данилина Мексикадағы WTA 500 турнирін жеңіспен бастады

АСТАНА. KAZINFORM – Мексиканың Гвадалахара қаласында өтіп жатқан WTA 500 турнирінде қазақстандық Анна Данилина ресейлік Ирина Хромачевамен жұптаcып  өнер көрсетті, деп хабарлайды Sports.kz.  

Қазақстан-Ресей дуэті Кайла Дэй (АҚШ)/ Ребекка Марино (Канада) жұбын екі сет қорытындысы бойынша 6:0, 6:2 есебімен жеңді. 

Данилина мен Хромачева аталған турнирдің жұптық сындағы үшінші нөмірлі ойыншылары болып тіркелді. Сондай-ақ бұл жарыс Анна мен Ирина үшін АҚШ ашық біріншілігінен кейінгі бірінші турнир болды. 

Еске сала кетсек, Данилина – жұптық разрядта Қазақстанның бірінші ракеткасы. Ол WTA рейтингінде 40-орында тұр. 

Бұған дейін Қазақстан футзал құрамасының Еуро-2026 турнирінің іріктеу сатысындағы ойын кестесі анықталғанын жазған едік.