АСТАНА. KAZINFORM — Қазақстанның жұптық сындағы бірінші, әлемнің 49-ракеткасы Анна Данилина Монтеррей (Мексика) WTA 500 турнирінің ширек финалына жолдама алды.
Жарыстың 4-ракеткалары болып тіркелген А.Данилина – ресейлік Ирина Хромачева франциялық Амандин Эсс – мексикалық Виктория Родригеспен шеберлік байқасты.
Небәрі 56 минутқа созылған матчта қазақстандық-ресейлік жұп 6:2, 6:2 есебімен жеңіске жетті. Данилина – Хромачева 8 брейк-пойнттың бесеуін пайдаланды. Эсс – Родригес 1 брейктен аса алмады.
Анна Данилина – Ирина Хромачеваның ширек финалдағы қарсыластары кейін анықталады.
Монтеррейде іріктеу сайыстарынан сәтті өткен А.Данилина жекелей сында да өнер көрсетеді. Анна алғашқы айналымда әлемнің 35-ракеткасы, чехиялық Линда Носковамен кездеседі.
Еске сала кетейік, бұдан бұрын Юлия Путинцеваның әлемдік рейтингіде бірден 199 сатыға көтерілгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).