АСТАНА. KAZINFORM — Қазақстанның жұптық сындағы бірінші, әлемнің 56-ракеткасы Анна Данилина Оэйраш (Португалия) ITF W100 турнирінің жартылай финалына шықты.
Жарыстың 3-ракеткалары болып тіркелген А.Данилина – нидерландылық Бибиана Схоофс алғашқы айналымда румыниялықтар Ирина Барэ – Кристина-Андреа Митуді 6:2, 6:2 есебімен тізе бүктірді.
Қазақстандық-нидерландылық жұп ширек финалда португалиялық Ана-Филипа Сантос – испаниялық Люсия Кортез Йоркты ойсырата ұтты - 6:3, 6:1. Бұл матч бір сағаттан астам уақытқа созылды.
Анна Данилина – Бибиана Схоофстың жартылай финалдағы қарсыластары кейін белгілі болады.
Еске сала кетейік, бұдан бұрын Денис Евсеевтің Қытайдағы жарыстың ширек финалына өткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).