Анталья қаласының провинциясында Ресей, сондай-ақ Иран, Израиль және Ұлыбританиядан келген туристер мінген автобус аударылып қалды.
Туристер рафтинг-орталыққа бара жатқан. Алдын ала болжам бойынша, автобус жүргізушісі тайғанақ жолда рулге ие бола алмай, көлік жыраға құлап кеткен. Автобус ішіндегі 25 адамның 15-і зардап шекті. Жаралы адамдар жақын жердегі ауруханаларға жеткізілген, олардың бірінің жағдайы өте ауыр.