АСТАНА. KAZINFORM - Түркияның Анталья қаласында белгілі палуандар Яшар Догу, Хамит Каплан және Вехби Эмрені еске алуға арналған дәстүрлі халықаралық турнирде ұлттық құрама спортшылары тағы 2 жүлдеге қол жеткізді.
Спортты дамыту дирекциясының баспасөз қызметі мәлім еткендей, грек-рим күресінен 60 келіге дейінгі салмақта Мейрамбек Айнағұлов пен 77 келі салмақта Тамерлан Шадукаев қола жүлдегер атанды.
Естеріңізге сала кетейік, осыған дейін әйелдер арасындағы белдесулер өтіп, қазақстандық арулар 2 күміс, 4 қола медальмен жалпы есепте үшінші орынға ие болған еді.
Айта кетейік, биыл тарихы терең турнирде 25 мемлекеттен келген 600-ден астам балуан бақ сынап жатыр.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.