Антарктида қайраңының ажырап кеткен орасан үлкен екі бөлігі Росс теңізіне қарай жылжып барады

АСТАНА. ҚазАқпарат - Антарктидадағы Нансен қайраңының екі мұз сеңі ажырап қалды. Екі алып айсберг қазіргі кезде ағыс бойынша солтүстік-шығыстағы Росс теңізіне қарай жылжып барады.

Бұл туралы Еуропалық ғарыш агенттігінің (ЕҒА) сайтынан хабарланады.

Теңізге түскен аумақтың жалпы ауданы 25,87 шаршы шақырымды құраған. Айсбергтердің әрқайсысының көлденең көлемі бес шақырымға тең, ал ұзындығы 10 және 20 шақырымға жетіп отыр. Олардың қалыңдығы шамамен 250-270 метрді құрайды.