АСТАНА. KAZINFORM — Францияның Тулуза қаласында жасөспірімдер арасында ITF Juniors J60 турнирі аяқталды.
Қазақстандық жас теннисшілер, апалы-сіңлілі Томирис пен Мәриям Нұржан жұптық сында табысты өнер көрсетті.
Қазақстандық жұп финалда франциялық Анна Баен — литвалық Камилле Силукайтемен чемпиондық атақты сарапқа салды.
Үш сағатқа жуық уақытқа созылған тартысты бәсекеде қазақстандықтар 5:7, 6:4, 8:10 есебімен есе жіберді.
Супер тай-брейкте Мәриям Нұржан жарақат алып қалды. Бұл апалы-сіңлілі теннисшілердің жеңіске жетуіне кедергі келтірді.
Еске сала кетейік, бұдан бұрын Индиан-Уэллс турнирінде Елена Рыбакинаның финалда әлемнің 1-ракеткасына жол бергенін жазған болатынбыз.
Сондай-ақ Елена Рыбакинаның Индиан-Уэллстен кейін Майами турнирінде бақ сынайтыны хабарланды.
Рыбакина мен Данилина әлемдік рейтингіде рекордтық көрсеткішке қол жеткізді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).