16 желтоқсан күні ресейлік Apple Store онлай-сауда дүкені бағаларды өзгерту үшін уақытша жабылды. Компания өкілдері аталған шараны «рубль бағамының қатты ауытқуымен» түсіндірді.
Қазір iPhone, iPad-қа және Apple-нің басқа да құралдарына арналған ойындар мен қосымшалардың бағасы 62 рубль/доллар қатынасына қарай есептелетін болды.
Бұдан ертерек, Apple компаниясы ресейлік онлайн-сауда дүкенін 26 қараша күні жапқан болатын. Нәтижесінде Apple сайтындағы iPhone 6 және iPhone 6 Plus-тің бағасы 8-10 мың рубльге артқан еді.