Оның негізін аудандағы Шөміш стансысы маңындағы кварц құмы кені орнында жұмыс жасауды бастаған «Фирма Дана» ЖШС қалады.
Аталмыш серіктестік қуаттылығы жылына 450000 тонна өнім өндіретін кен байыту комбинатын салуды жоспарлаған. Сол бағытта «Кварц құмын байыту фабрикасының құрылысы» жобасы ұсынылды. Оған қоса, «Қазақстанның даму банкімен» бірлесе жобаға сараптама жасалып, нақтыланды. Жоба 2011 жылы аяқталуы тиіс. Ол кезде аумаққа 4,5 миллиард теңге көлемінде инвестиция тартылады. Осы арқылы мұнда жергілікті 200 тұрғын жұмыспен қамтылады.
Аудан әкімінің орынбасары Бөрі Дабыловтың айтуынша, бүгінгі таңда 980 метр жерге теміржол жүргізілген. Қалған 18 шақырымға жоба-сметалық құжаттар дайындалуда. Кәсіпорын өз қаражатынан 800 млн. теңге инвестиция құйды. Инфрақұрылым төңірегінде түйткілді мәселе жоқ. Кәсіпорын жобаны қаржыландыру үшін «Қазақстан Даму банкімен», «Ислам Банкімен» жұмыс жасауда.