ҚЫЗЫЛОРДА. ҚазАқпарат - Қызылорда облысында Арал теңізіне балық аулауға шыққан екі адамның қайығы аударылып, суға кетті, деп хабарлайды ҚазАқпарат тілшісі.
Оқиға Арал ауданына қарасты Ақеспе елді мекені тұсында, Арал теңізінде болған.
«Аталған ауылда тұратын 1969, 1971 жылғы азаматтар балық аулауға шыққан. Белгісіз себеппен қайық аударылып, екеуі суға кетті. Олардың жансыз денесін бірге жүрген өзге адамдар жағаға алып шыққан», - деп мәлім етті Қызылорда облыстық төтенше жағдайлар департаменті баспасөз қызметінің бас маманы Айгүл Нұрманова.
Арал ауданы әкімдігінің хабарлауынша, олардың мәйіттері отбасыларына жеткізілді.
Еске салсақ, бұдан бұрын Қызылордада дарияға көлігімен түсіп кеткен жігіттің мәйіті табылғанын хабарлаған болатынбыз.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.