АРҚАЛЫҚ. ҚазАқпарат –Арқалық қаласында Домбыра күні мен Қала күніне арналған іс-шаралар аясында 1 шілдеде «Домбыраның күмбірі – бар қазақтың бірлігі» атты мерекелік шара өтеді, деп хабарлайды ҚазАқпарат kstnews.kz сайтына сілтеме жасап.
«Жігер» стадионында өтетін шара барысында түрлі жастағы 1500 домбырашы жеті күй орындайды.
Сондай-ақ облыстық көркемөнерпаздар ансамбльдерінің гала-концерті мен жеңімпаздарды марапаттау салтанаты өтеді.
Гала-концерттен кейін көрермендер қазақ эстрада жұлдыздарының қатысуымен мерекелік концерт пен отшашуды тамашалайды.
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.