АСТАНА. ҚазАқпарат - Футболдан 2018 жылы өтетін әлем чемпионатына іріктеу кезеңіндегі Армения - Қазақстан матчында қазылық жасайтын төрешілер анықталды, деп хабарлайды ҚазАқпарат тілшісі.
Аталмыш ойынның бас төрешісі қызметіне македониялық Александр Ставрев белгіленді. Оған қапталдан отандастары Марьян Кировски мен Деян Костадинов көмектеседі. Қосалқы қазы - Деян Якимовски.
Естеріңізге сала кетсек, Армения мен Қазақстан арасындағы матч 26 наурыз күні Ереванда өтеді.
Астана уақытымен сағат 22:00-де басталатын ойынды «Kazsport» арнасынан көруге болады.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.