Армрестлингтен әлем чемпионатында батысқазақстандық қыздар қос жүлдеге қол жеткізді
11:36, 06 Қазан 2016
ОРАЛ. ҚазАқпарат - Болгарияның Благоевград қаласында армрестлингтен өтіп жатқан ХХХVІІІ әлем чемпионатында батысқазақстандық қыздар қос бірдей жүлдеге қол жеткізді, деп хабарлайды "ҚазАқпарат".
БҚО дене шынықтыру және спорт басқармасынан түскен мәліметке қарағанда, әлемнің елу шақты елінен спортшылар қатысқан дүниежүзілік додада жастар арасында сынға түскен Әсел Жұмағамбетова күміс, Кенжеқыз Қаупенова қола медельді еншіледі. Олардың екеуі де №4 балалар-жасөспірімдер спорт мектебінде жаттығады. Бапкері - Мұрат Ибатов.
1995 жылғы Ә.Жұмағамбетова Батыс Қазақстан инновациялық-технологиялық университетінде оқыса, 1997 жылғы Кенжеқыз Қаупенова Орал гуманитарлық колледжінде білім алып жүр.