Оқу-таныстыру жаттығуының міндеті бойынша, құқық қорғау органы қызметкерлері қоймадан қару ұрлап жатқан топты ұстау керек болады. Бұл арнайы ойластырылған жоспар.
Қылмыскерлердің әрекеті туралы хабарланғаннан кейін арнайы жасақ тікұшақпен келіп, аталған қылмыстық топты жою үшін жедел-әскери шараға кіріседі.
Атыс барысында екі сарбаз жарақаттанып, жасақ құрамындағы медициналық тәжірибесі бар адам ұрыс біте салысымен оларға алғашқы жәрдем көрсетеді. Осыдан кейін жаралыларды тікұшақпен эвакуациялайды.
Оқу-таныстыру шарасы барысында бронды техникалар пайдаланылды.
Айта кетейік, аталған шараның мақсаты - ұрыс жағдайындағы парамедициналық қызметкердің көмек көрсетуі болды.