«АрселорМиттал Теміртау» компаниясының өкілдері жаңа құрылғылар сатып алмақшы
Компанияның баспасөз қызметі қоршаған ортаға тасталатын зиянды қалдықтардың мөлшерін азайтуға бағытталған жоба туралы хабарлады.
Әңгіме кокстіхимиялық өндірістің көмір дайындау цехын қайта жөндеуден өткізу туралы болып отыр. Компания аталмыш жұмыстарға 135 млн теңге жұмсамақшы.
Комбинат өкілдері 2021 жылға дейін көмір дайындау цехындағы ауа баптағыш құрылғыларды ауыстыруға уәде берді. Олар ескірген құрылғылардың жаңа, тиімділігі жоғары үлгілерін сатып алуды көздеп отыр.
Баспасөз қызметінің хабарлауынша, жаңа құралдар органикалық емес шаң-тозаңды 82 пайызға азайтуға мүмкіндік береді. Бұл жүйелер тозаңданған ауаны шаң бөлетін көздердің жағдайына қарамастан сорғытып алуға қауқарлы. Шаң тозаңнан тазартатын құрылғының тиімділігі 99,8 пайыз деген болжам айтылып отыр.