АСТАНА. KAZINFORM - Қазақстандық шабуылшы Артур Шушеначев «Ақтөбе» командасы сапына қосылды.
Бұл жөнінде команданың баспасөз қызметі мәлім етті.
Тараз футбол мектебінің 27 жастағы түлегі мен клуб басшылығы ресми келісімшартқа қол қойды. Осы уақытқа дейін Артур Шушеначев отандық және шетелдік клубтар сапында ойнаған. 2024 жылы израильдік «Хапоэль Беэр-Шева», кейін ресейлік «Сочи» сапында доп теуіп келді. Оған дейін өз командасы «Таразда» ойнап, кейін біраз уақыт «Қайрат» сапында ойын көрсеткен.
Осы уақытқа дейін клубтық деңгейде барлығы 258 матчқа қатысып, 78 гол соққан.
Артур Шушеначев Қазақстан ұлттық құрамасында 7 ойынға қатысып үлгерді.
Еске салсақ, бұдан бұрын «Тұран» футбол клубынан бірден алты ойыншы кетті.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.