АСТАНА. ҚазАқпарат - Қазақстандық, 18 жастағы Аружан Сағындықова Таиландта өтіп жатқан ITF World Tennis Tour W15 турнирінің жартылай финалына шықты, деп хабарлайды ҚазАқпарат тілшісі.
Дүниежүзілік рейтингіде 1162-орында тұрған қазақстандық теннисші ширек финалда корт иесі Салактип Унмуангпен шеберлік байқасты.
Бірінші партияда таиландтық ойыншы басымдылық көрсетті - 6:1.
Есесіне содан кейін Аружан күш алып кетті - 6:2, 7:5.
Аружан Сағындықова финалға шығу үшін әлемнің 726-ыншы, осы жарыстың 2-ракеткасы, америкалық Даша Ивановамен таласады.
Еске сала кетейік, бұдан бұрын Андрей Голубевтің жұптық сында Германиядағы жарыстың жартылай финалына шыққанын жазған болатынбыз.
Сондай-ақ Ролан Гаррос турнирінде әйелдер арасында финалға шыққан теннисшілер анықталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).