Қазақстандық, әлемнің 829-ракеткасы, 18 жастағы Аружан Сағындықова Монастир (Тунис) ITF W15 турнирінің жартылай финалына өтті, деп хабарлайды ҚазАқпарат тілшісі.
Жарыстың 3-ракеткасы болып тіркелген қазақстандық теннисші үш кездесуін сәтті өткізді.
Аружан алдымен үндістандық Смрити Бхасинді 6:2, 6:3 есебімен жолдан тайдырды. Содан кейін даниялық Элина Ямшидиден айласын асырды – 6:0, 6:3.
А.Сағындықова ширек финалда дүниежүзілік рейтингте 1319-орында тұрған словакиялық Лаура Цилекованы 6:3, 6:3 есебімен тізе бүктірді.
Қазақстандық жас теннисші финалға шығу үшін әлемнің 880-шы, доданың 6-ракеткасы, литвалық Андре Лукошютемен таласады.
Еске сала кетейік, бұдан бұрын Қазақстан құрамасының капитаны Юрий Щукиннің Дэвис кубогінде күтпеген нәтиже болуы мүмкін екенін айтқанын жазған болатынбыз.
Сондай-ақ Юлия Путинцева жұптық сында Осака турнирінің финалына шықты.
Қазақстан – Болгария матчының жеребесі тартылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).