Қазақстандық, әлемнің 829-ракеткасы Аружан Сағындықова Монастир (Тунис) ITF W15 турнирінің финалына шықты, деп хабарлайды ҚазАқпарат тілшісі.
Жарыстың 3-ракеткасы болып тіркелген 18 жастағы қазақстандық теннисші жартылай финалда дүниежүзілік рейтингте 880-орында тұрған литвалық Андре Лукошютемен сынға түсті.
Бірінші партияда Аружан қарсыласына есе жіберді – 1:6. Дегенмен содан кейін таразы басын өзіне аудара білді – 6:3, 6:1.
Қазақстандық теннисші финалда рейтингте 1253-сатыдағы үндістандық Вайшнави Адкармен чемпиондық атақ үшін таласады.
Еске сала кетейік, бұдан бұрын Аружан Сағындықованың Тунистегі турнирдің жартылай финалына өткенін жазған болатынбыз.
Юлия Путинцева Жапониядағы жарыстың финалында есе жіберді.
Дэвис кубогінде Болгариямен матчта Тимофей Скатов Қазақстанды алға шығарды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).